أمنيات وعصافير

أمنيات وعصافير


الصمت هم وبوح قلبي مشاوير

والدرب امان وخطوتي له زوايا

أحتاج اغيب وما لقيت المعاذير

من وين اروح القى عيونك مرايا

فيني طموح وامنياتي عصافير

ودي اطير وذكرياتك ورايا

ساعة بخيروساعه ماني على خير

في كل درب القى همومي معايا

لا قلت احبك طاح شعري طوابير

واهتز وجدي من همومي بلايا

قم لمني قبل الالم يسبق السير

الدمع ملح وملحك انت دوايا

شفني غريبه عايشه عيشة الطير

محدن سبقني في همومي سوايا

تدري يا عمري حبك انت معي غير

مامات فيني لو تحين المنايا

مجنونه بك جن الهوى للمشاهير

ما أشوف غيرك للحلا من حلايا

ساعة بخير وساعه ماني على خير

فيك أنتهيت ولا بقى لي بقايا

كلمات /أصيلة السهيلي